Karakia and Mihimihi

Tēnei tātou;

Tēnei au te hōkai nei o taku tapuwae

Ko te hōkai nuku ko te hōkai rangi

Ko te hōkai a tō tupuna a Tānenui-a-rangi

Ka pikitia ai ki te rangi tūhāhā ki te Tihi-o-Manono

Ka rokohina atu rā ko Io Matua-kore anake

Ka tīkina mai ngā kete o te wānanga

Ko te kete-tuauri

Ko te kete-tuatea

Ko te kete-aronui

Ka tiritiria ka poupoua

Ka puta mai iho ko te ira tangata

Ki te whaiao ki te ao Mārama

Tihei-Mauri ora!

Ko te mihi tuatahi, ko Io-matua-te-kore, ko Io-o-te-wānanga.

Kei te mihi.

Ko te mihi tuarua ki a Ranginui rāua ko Papa-tū-ā-nuku, te ātea me te whenua.

Kei te mihi.

Ko te mihi tuatoru ki a Tāne Mahuta, ki a Tangaroa, ki a Tāwhirimātea, te hau i pupuhi ai te hauora ki ngā tāngata katoa.

Kei te mihi.

Tēnā rā koutou ki te āhuatanga o rātou, kua wehe atu rā ki te pō. Haere atu rā ki Tua o

Paerau. E moe, e moe, e okioki ai.

Āpiti hono, ā tātai hono. Te hunga mate hoki ki a rātou.

Āpiti hono, ā tātai hono. Te hunga ora ki te hunga ora.

Tēnei he mihi manahau ki te mana whenua o Te Āti-Awa – Taranaki whānui ki Te Upoko-o-te-Ika. Te toki te tangatanga i te rā, hue hā, hue hā!

He mihi manahau ki te mana whenua o Ngāti Toa Rangatira. Tōku toa, he toa rangatira!

Tēnei he mihi nunui ki a koutou katoa. Karanga atu rā ki ngā mātāwaka, ki ngā maunga, ki ngā awa o ngā motu nei.

Nau mai haere mai ki tēnei rauemi hōu e pā ana te toitū o te ao whakaari, te ao kanikani, ā ngā Toi Māori. Ko te tumanako ko tēnei rauemi e hāpai ana tātou katoa ki te whai he huarahi tika ki te manaaki o tō tātou nei taiao, i roto i tātou nei mahi i te ao o ngā toi whakaari.

Me hīkoitahi tātou, ki te whakapakari o tātou nei haerenga toitū, mō he ao hōu mō mātou, ā, mō ngā uri whakatipu ake nei.

Kia māia, kia manawanui.

Nō reira, tēnā koutou, tēnā koutou, tēnā tātou katoa.

Te whānau o Trick Of The Light.